劉鳳屏開Show會知音 退而不休 著名歌后劉鳳屏跟尖沙咀好有緣，1965年參加《星島日報》第6屆全港歌唱比賽，憑李香蘭名曲《三年》取得國語組冠軍，得獎兩三個月後，藉父親劉伯樂的介紹，即在尖沙咀高檔的金冠酒樓夜總會成為駐場歌星，且愈唱愈紅，婚後引退10年，2012年在文化中心舉行兩場的「金曲再回頭望一望演唱會」仍然好爆，下月3至4日再接再厲，重返旺地再會知音。 當年位於尖沙咀的金冠酒樓夜總會滿載劉鳳屏的美好記憶，見證她的光輝歲月。已下嫁老華僑的鳳屏姐，近年做回一個普通人，出入唔使助手，完全冇大明星架子，不過，她就笑住強調：「台下我係一個普通人，但台上會交足功課。」 老公都支持 對於下月舉行的演唱會，鳳屏姐滿有信心：「尖沙咀真係好旺我架，17歲開始我經已o係金冠夜總會唱歌，1星期唱足7日，單係星期日表演日夜場共13場，尖沙咀區真係留低唔少腳毛架，學柴九話齋，人生有幾多個10年，想當年，真係有好多人追，由最初畀500、1000蚊大利是做見面禮點唱，到後期用勞斯來斯、法拉利停o係夜總會門口等我收工，甚至有建築商、富商問我要唔要樓、靚車同鑽戒？因為自己一條心想做歌手，好有性格咁推晒D名貴禮物，講番轉頭我都唔後悔，買車、買樓，自己全部都做得到，我真係唔追求物質，家陣個老公好老實，個天對我不薄，停低10年仲畀我唱番歌，老公都好支持。」 來源: 頭條日報 城市電腦售票網公開發售 2012年12月23日10am開始 方法1) 網上 http://www.urbtix.hk/ 方法2) 電話 2111-5999 (10am - 8pm) 方法3) 通利, 各區大會堂, 文娛中心