魔術師李行齊（小齊）繼去年9月1日及2日在大埔文娛中心舉辦、一連兩場《李行齊魔幻之旅》個人騷後，今年再接再厲，將於2月22日在大埔墟體育館、舉行第二次個人騷《大埔奇妙魔幻之夜》。小齊近日為演出積極綵排，還特別邀請著名排舞師Sunny Wong協助及指導，務求令當晚演出更完美。 小齊剛為無線《TVB新春黃金慶典》、拍住舊拍檔黎耀祥和應屆港姐演出驚險魔術，不過之後小齊未有時間好好休息，只因要為本周五的第二次個人騷進行密集式綵班。 望演出有驚喜 小齊籌備今次演出，坦言比起首次個人騷更緊張，「雖然有嘅上次經驗，但係第一次時完全冇包伏，但今次就有比較，希望演出可以超越上一次，反而對自己要求更加高，壓力真係好大，新年仲有其他演出，所以都冇機會好好休息，但係能夠有第二次個人騷，機會好難得，一定要好好珍惜。」為了令舞台效果更佳，小齊參考在北京演出《鳥巢．吸引》的經驗，在今次個人騷加入更多舞蹈動作，還特別邀請了著名排舞師Sunny協助及指導，「今次分為兩部份，一部份講我嘅童年夢想，另一部份會有好多全新嘅大型道具，最特別係全個騷會加強嘅舞蹈，好多謝Sunny佢指導，希望到時大家會有驚喜啦！ 由2013年2月6日起, 可致電 +852 2667 9333以先到先得的形式預留最多4張免費門票, 並於盛事舉辦當天即場索取門票。 門票數量有限, 派完即止。