(TBB mode) 最近發生咗好多事，我想一個人靜下。但係我已經靜完喇，係時候搞音樂會喇。 做人呢，最緊要就係開心。而可以令我最開心嘅就係音樂會爆滿架喇。 嗱，唔好話我冇提醒你。我成日發神經, 下一次音樂會真係唔知幾時架，可能係3年後，亦都可能係一萬年後，亦都可能係三秒後。 你知唔知咁樣做係好危險架？你有冇考慮過我嘅感受架？你唔早啲買飛我會囉囉攣架。 你知唔知道大家都好擔心你呀？好驚你唔早啲買就買唔到靚位呀。 對唔住，我已經盡咗力了。但係如果你都盡力狂買飛的話，可能可以加場架。 嘢可以亂食，說話唔可以亂講。但係我啲歌可以亂唱架，到時唱大聲啲啦喂。 感情嘅嘢唔可以強求架。但係encore可能可以強求架。 你餓唔餓呀？我去煮碗麵畀你食吖。哎呀，演出場地唔食得嘢架，我都係唱下歌講下爛gag畀你聽頂住肚餓先啦。 我之後有咩打算？唱到地球大爆炸為止囉。 等你啊~ (/TBB mode)