節目一(片長: 53mins) 2013 亞太廣告節精選 日期及時間: 29/11 7:30pm | 1/12 8:30pm | 8/12 2:30pm | 14/12 2:30pm & 6:30pm 之場次將放映香港廣告商會金帆廣告大獎精選; 片長20 mins　 香港本土老店情懷水滾茶靚，內地街坊熟到爭住交出屋企條匙，今時今日真事改編最為離奇！為咗創意，你可以去到幾盡？一班街舞狂人著住Nike用雙腳繪出跨媒體嘅黑夜華麗，毒樂樂不如眾樂樂，呢頭日本素人一人一格真漫畫；嗰頭噴火屁鴨hit到上泰國新聞，但人報你就信咪輸咗囉，唔係個個夠膽喺鬧市開咪直斥污水溝平價奶，然後大喊「我是孟買」... 節目二(片長: 66mins) 2013British Arrows廣告大獎精選 日期及時間: 30/11 2:30pm | 1/12 4:30pm | 7/12 5:30pm | 8/12 8:30pm 英國金箭大獎簡直箭箭驚心同傾心。喺戲院睇緊戲，嚴禁撥打手機係天經地義，但到左荷里活，就搞到好似反恐──沒收你個手機，倒哂你買嘅爆谷，更有保安狗狗在戲院場內四圍走，務求要你收聲！第一日番工，老闆神速帶你走上走落，介紹HR, PR, IT, WC, Admin, Finance… 節目三 (片長: 53mins) 2013美國AICP廣告大獎精選 日期及時間: 30/11 4:30pm | 4/12 7:30pm | 8/12 6:30pm | 12/12 7:30pm 美國AICP盡顯大將之風，惡搞經典無有怕！全民公審三隻小豬殘殺灰狼奇案，誰是誰非原來掌握喺媒體手上；無頭騎士都被copywriter嘅鬼匠神工寫到死剩個頭，嚇鬼咩！日光日白，幾十個基斯保羅排成連串定格動作控球上籃，完美示範靜態動感，到底係裝置藝術抑或真身拍攝，我覺得呢條片相當有嫌疑……朗拿度慢鏡轉身射個世界波，哎呀!回歸基本步先考真功夫。富國小孩最憎收唔到wifi、又最憎咬住香口膠飲冰水，第三世界兒童一臉無邪咁嘗試理解佢地眼中嘅世界末日... 節目四(片長: 64mins) 2013西班牙及葡萄牙語系廣告節精選 + 2013中東晶英廣告節精選 日期及時間: 30/11 6:30pm | 1/12 6:30pm | 7/12 7:30pm | 14/12 4:30pm 西班牙及葡萄牙語廣告電影語言破格，明踩暗串荷里活！《天使愛美麗》般法式盞鬼鏡頭下，你阿媽對你嘅一舉一動、一言一行、一喊一笑，都有睇穿睇透嘅超能力，當然，她亦會用同樣異能採購吞拿魚！攝影史上嘅靈魂人物拎住部Leica走過烽火大地，共度纏綿長夜，浪攝過浪攝流。平凡如你我，「卡嚓」片刻同樣組成人生，唔好日夜掛住喺Getty搵相啦，有時間用六頭肌扭住腰打乒乓波好過... 中東晶英廣告節在2005年創立，是全球首個阿拉伯地區嘅廣告節，觀賞機會難逢！古靈精怪玩轉全城，呢邊廂，指揮家、司機、交通督察無啦啦中途離場，雞飛狗走天下大亂，無非想提醒大家國會選舉記得要撐到尾！嗰邊廂，賣布師傅大曬壓薄餅手藝、警察查身順便摺埋褲骨，轉行趁早呀老友!當杜蕾斯遇上阿拉伯，品牌大佬都要轉個玩法: 有味畫面靜雞雞滲入YouTube，少少鹹多多趣... 節目五(片長: 70mins) 2012韓國影像廣告節精選+ 2013西班牙及葡萄牙語系廣告節精選 日期及時間: 30/11 8:30pm | 1/12 2:30pm | 6/12 7:30pm | 8/12 4:30pm ; 14/12 8:30pm 韓風繼續吹，隨時隨地嚇你一跳！地鐵隔離位美女著住牛仔褲忽然彈起跳芭蕾，輕盈舞動都市魅力；肌肉型男英勇man抱遇溺女子，想抄底個型男電話以身相許，點知係水警救援熱線！韓國絕技始終都係深情牌，三星相機系列再度溶化萬千國民的心！微笑天使韓孝珠夥拍羞澀男孩李帝勳，畢業典禮上惡搞情敵幅相，大學雞小動作sweet爆鏡頭；long-d傳情即影即send... 座談會: 廣告與數碼平台、流動電話和社交媒體如何接軌 日期及時間: 7/12 2:30pm - 4:30pm 報名: www.hkaconlineregistration.com