Dizzy Cream將會係7月24號舉行首個屬於自己嘅音樂會！ 過去嘅一段時間我地密鑼緊鼓，披星戴月，鞠躬盡瘁，死而後已......就係為左準備呢個耗資千萬，水準達世界級(好似係)嘅Live Concert！作為自己第一個音樂會，對我地黎講今次真係一個好重要嘅里程碑。我地有動力繼續玩音樂，其實都多得每位肯聽我地音樂嘅朋友。所以我地今次想動員每一位支持Dizzy Cream嘅朋友，一齊親身分享我地今日嘅成果！ 今次Live Concert嘅主題係“Follow Me To…”。意思係希望每位黎到呢個Concert嘅朋友都可以跟隨住我地嘅音樂，進入一個個唔同嘅國度，感受一個個唔同嘅故事。 音樂會係由Daylight Productions同 糖兄@糖兄妹 共同監制。除左Dizzy Cream之外，我地亦邀請到兩隊Guest Band，Ascension同Crux係當晚為大家表演。 呢個將會係一個好好玩嘅晚上，快D組團一齊黎同我地享受音樂啦！ 購票方法 門票由11/7/2014 (Fri)起於尖沙咀、銅鑼灣及沙田通利琴行門市發售/直接聯絡樂隊成員購票