今個母親節，平地映社會搞一場「她 / 他媽電影日」。 皆因老母既偉大我地早已放在心中，除左聲聲愛妳同康乃馨，平地映社可以做既致敬，就係透過放映三部以呀媽為主題既學生作品電影，從更多的側面去了解母親角色背後，那枝女人心海底針。 世間大部份既男人有時確實唔太識貨，好多時老母既用途都只限於問候，攞錢，做家務，黐裙腳，實在係刻板到極。查實每個老母都係一個獨特既女人，偶然在映視作品中，我地會見到潑辣索爆既莊子，人類補完既碇唯，揸武士刀既killbill大媽，就算平凡如大雄媽野比玉子或野原美冴，都有她生靈活現之處，獨當一面。但在映畫以外，世上大部份娘親，佢地既七情六欲，八面玲瓏， 又係唔係受人認知？三從四德已經係太落後既事，但確實還有不少母親被視為家庭或男人既附屬品。每年母親節如果要找二，三事反思，大概係呢d。就算你是怕羞仔唔敢面對娘親感性一面，也實在不需要用消費來證明孝順，除了飲茶送花等例行公事，不妨帶埋你媽黎平地映社去看他媽的電影，都可以攞到野走。

---

節目： 照顧別人兒子的媽 郭臻 《媽媽離家上班去》 愛情萬歲的媽 鄭啟明《流年似水》 假期已近尾聲的媽 楊凱婷《今日星期幾之﹝媽媽的復活節假期﹞》 ※設映後討論會