家父係東莞黃江客家人，七十年代來港，落地生根生咗我，照顧有加畀食畀住，卻如不少來港父母一樣，未能傳落「鄉下話」。 我安然加理所當然以香港人身份生活咗廿幾年，亦從未諗過(半隻)客家人唔識講客家話有咩問題。有刻驚醒呢個可以係個「問題」，遂捉住阿爸教講客家話，日講夜講，除咗聽到噏到兩句自家話外，亦扯出家鄉文化，同埋佢來港前後嘅故仔。 識講一兩句客家話，並冇動搖我根深蒂固嘅香港人身份，但就多咗重唔多覺眼，有時覺耳嘅客家人身份。 呢兩年同阿爸學講客家話嘅對話，拼湊出客家話同阿爸漂流嘅故事，重塑小弟學習客家話嘅過程。以香港字標識客家音，生出唔客唔港嘅「語言」，可會係上一輩由中國各地來港，同祖宗語言文化分割嘅「香港人」縮影？ 詳情請瀏覽: http://www.yipkaichuns.com/ngai2he4hiong1gong3ngin3/