趁墟 can3 heoi1：去墟市買嘢、睇正嘢、湊熱鬧 今次「CRE瀝卡啦」同你一齊趕趁墟，重回舊時香港，感受懷舊墟市。 CRECRA 首次主辦嘅市集「CRE 瀝卡啦趕趁墟」將會喺復活節假期期間3月25 - 27日舉行。擁有百年歷史嘅三級歷史建築物—饒宗頤文化館搖身一變，變成充滿傳統味道嘅港式墟市，除咗各式各樣嘅手作設計檔位外，仲會有好多唔同嘅港式傳統活動。快啲叫埋親戚朋友、姨媽姑姐，一家大細嚟趕趁墟、湊熱鬧啦喂！而每逢3月都係饒宗頤文化館內嘅羊蹄甲盛開嘅日子，唔洗搭車又搭飛機就睇到遍地開花嘅靚景，仲唔快啲嚟一路賞花一路行市集感受香港墟市嘅氣氛！ 想即時收到最新資訊？快啲Like 同Follow 「CRE瀝卡啦」 Facebook 同Instagram 啦！ 趁墟名單 今次「CRE瀝卡啦趕趁墟」將有超過50個各有特色嘅品牌一齊趁墟。當中我哋仲邀請咗13個來自台灣同內地嘅品牌嚟一齊擺檔！ 想了解每個手作品牌嘅特色，大家可以留意「CRE瀝卡啦」 Facebook 及Instagram 。 工作坊介紹 除咗市集外，同場仲有唔同嘅傳統工藝工作坊畀大家參加，例如傳統撕紙、剪紙、織草蜢、水墨畫、流蘇吊飾等等。大家仲可以優惠價報名參加okapi studio 嘅「傳統手工香工作坊」！ 另外仲有十兄弟手作嘅蒸籠點心木盒工作坊、touchsoap 天然手工皂工作坊、拾坊種子再造紙、植屋苔玉工作坊等等。 各工作坊嘅詳情將會不日公布，敬請密切留意啦！ 活動介紹 傳統港式小食 - 邀請到砵仔王等傳統港式小食店嚟擺檔，俾大家一邊趁墟一邊享受懷舊小食。 「Show Me Craft 手作設計比賽2015 - 屬於香港的"手"信」入圍作品展覽 - 30份入圍作品終於出爐 (想先睹為快睇吓有咩作品，去CRECRA.com/SMC2015 望望啦)，墟友到時仲可以投選「我最喜愛香港『手』信」大獎！ 二手拾物 - 與Hong Kong Really Really Free Market (HKRRFM) 一個任睇任擺任攞的市場合作 - 嚟趁墟嘅朋友仔可以將屋企冇用、想俾其他人用嘅物品帶到墟市，然後再帶走墟市裡面指定區域內嘅物品。 占卦命理 - 茅山宏願館嘅石守中師傅將會嚟同大家分享風水命理，仲會幫大家睇相同埋用奇門遁甲算命。 墟市移動尋寶 - 只要喺墟市裡面搵齊手作設計師手作J 嘅5個印仔，並印上墟市尋寶地圖，即可獲得一份小禮物。 CRE瀝卡啦趕趁墟 會場限定貨品 - CRECRA 為咗今次市集，特意設計咗幾款有趣又得意嘅會場限定貨品，包括限定貼紙、Memo 紙同紙膠帶等等，仲會encore 之前喺香港書展2015 入面大受歡迎嘅「Good Things Take Time」tote bag tim！數量有限，手快有，手慢冇㗎！ 一套22款嘅懷舊搞鬼貼紙喺會場限量發售，有東南西北、西瓜波、豬仔錢罌、媽咪麵及痰罐等等，留意住我哋「CRE瀝卡啦」 Facebook 及Instagram 就可以知道佢哋嘅蘆山真面目啦！