旅行到底係為左咩？ 有人會將行程編得密密麻麻，誓要行轉所有景點；有人就想藉此見識平時不常見到嘅景色；亦有人想離開呢個逼迫嘅城市。 係時候，俾自己嘅心靈走一轉，去尋找內在嘅自己，釋放自己五味紛陳嘅情感世界。 布拉姆斯嘅四首嚴肅的歌採自聖經嘅經文，彷如看透世事一切，但加上樸實嘅旋律，令人感到苦澀及無力感。而佛漢威廉士嘅旅人之歌表現出一種飄泊坦蕩之餘，透過男低音胡永正渾厚嘅聲音以及鋼琴伴奏黃歷琛所展示嘅力道感受一份控訴、依戀交織嘅張力。 而阿簡多嘅六首伊利莎白時期歌曲採用英國嘅黃金時代-伊利莎白時期嘅詩詞，將詩人所注入嘅情感表露無遺。葛利格嘅六首歌曲配以女高音劉卓昕魅力動人嘅歌聲唱出豐富嘅旋律，展現人類最細緻嘅情感。 旅行出自一種渴望，一份想了解未知嘅求知欲。讓我地一同踏上呢段情·旅，去尋找我地感情最真實嘅一面。