山頂廣場同香港布娃娃藝術家劉寧（ Ning Lau ）首度合作，將一眾由Ning親手縫製嘅布娃娃帶嚟山頂廣場。今次Ning仲特別為山頂廣場設計咗一隻全新嘅布娃娃Susan添～ 商場中庭有四個不同主題嘅布娃娃小屋場景畀你任影唔嬲，其中一間小屋仲有1:1嘅布娃娃Jessica同Annie歎緊下午茶~快Ｄ去join埋佢地啦～記得上埋二樓展覽區，欣賞由 Ning Lau 親手造嘅布娃娃系列呀。 限量版《山頂廣場X Ning Lau布娃娃》精美小袋，用嚟裝passport同外幣。平時又可以放化妝品或者小配件。咁正嘅嘢Susan又點會唔預你丫，只要逢星期六、日同公眾假期，喺山頂廣場消費就有機會換到喇！