【HA告急，無你點得？】 相信大家都睇左第四代HA嘅計劃(http://goo.gl/JupGoz)，但我擔憂淨係靠銀行戶口喺十日之內籌50萬旗實在係相當困難，所以今個weekend會喺HA搞一個義賣market，增加募捐嘅渠道。 我希望募集到band仔們義賣一D你地band嘅product/CD，又或者作為樂迷嘅你可以義賣任何類型嘅野，好似黑膠、衫褲鞋物、收藏品等等，將收入全部捐作HA嘅續命金。 多謝大家踴躍參與，暫時活動會有兩個方法參與義賣： 1) 擺檔 如果你有一定數量物品想義賣、又或想有D即場畫畫義賣之類嘅檔攤，可以PM我地預留檔位俾你。 2)寄賣 如果想寄賣，可以有三個方法： 一就到時親身拎上黎 二就係觀塘區朋友可以直接聯絡本人果占交收(62929496) 三就係約時間交收，如果你到時唔得閒上黎，我地可以有運輸部朋友同你交收，同區有兩三個單位約就可以出車，又或者我地各區成員都可以同你交收。 多謝各位支持本地live house文化，到時如果無野啱買亦可以直接捐款去現場嘅籌款箱，我地歡迎任何類型合作嘅可能性，例如義演、食物攤檔之類。如有任何問題，歡迎留言或PM我地識你佳。 識你佳：www.facebook.com/zenegeist Hidden Agenda：www.facebook.com/hiddenagendahk 最後感謝Smoke In Half Note嘅榮仔同埋留 LIU嘅黑仔全力協助，大家繼續努力籌錢，延續HA嘅生命!!