聖誕節又就嚟到喇!想同聖誕老人玩遊戲?今年淘大商場就會變身成為聖誕老人嘅秘密花園 ―「霓虹聖誕屋」同埋「聖誕互動飄雪館」,等大家可以過一個幻彩飄雪聖誕!喺推廣期內商場仲會有互動遊戲、限量版禮品換領同親子互動工作坊等一系列嘅精彩節目,實行大人同小朋友都玩得開心! 「霓虹聖誕屋」由霓虹燈裝飾組合而成,顧客入到去可以體驗下聖誕老人嘅生活;而「聖誕互動飄雪館」就可以感應到顧客嘅距離。當你一行近嘅時候,飄雪館就會吹起片片雪花,非常有氣氛㗎!顧客仲可以玩埋「電流光影急急棒」互動遊戲,挑戰眼界同定力,贏咗仲會有豐富禮品同商戶優惠券,真係有得玩又有得拎呀! 除此之外,喺活動期間,顧客只要喺商場消費滿港幣 500 元或以上,憑最多三張不同商戶發出嘅即日機印電子單據,就可以換領限量版 Joy of Lights 座枱月曆乙個或者係別具型格的燈泡形玻璃樽乙個。如果顧客喺商場單一消費滿港幣 200 元或以上,即可參與聖誕親子工作坊乙次,同小朋友一齊用 LED燈製作立體聖誕屋或者係可愛嘅聖誕掛飾。 而 12 月 25 日(星期日)聖誕節當日又點少得聖誕歌呢?淘大商場就邀請咗亞洲著名手鈴團體「十一分音符手鈴隊」同本港著名無伴奏合唱組合 Republic-A 兩大樂團蒞臨表演,等大家可以聽住聖誕歌過聖誕。聖誕老人仲會喺指定日子嚟到商場,同顧客互動,大送聖誕小禮物,開開心心咁過聖誕!