有冇諗過要買一份 handmade 既禮物送俾另一半? 或者即時同另一半製作獨一無二只屬於你倆的結晶品？ 今個2月11-12號, 一個隱於灣仔鬧市中的活化建築裡, 一班有心既搞手, 成就左一個手作市集。係呢度, 你唔會搵到2手貨同轉賣貨, 由不同既創作單位製作。 位於灣仔既【動漫基地】, 前身係一幢戰前樓宇--- 綠屋, 後來由【Hong Kong Arts Centre 香港藝術中心】和【市區重建局】合作, 將呢座被列為香港二級歷史建築物, 發展成結合活化歷史建築元素的人文藝術社區, 為香港與世界各地既藝術發展提供一個交流平台。 而HCM係一班有熱誠既市集搞手, 我地既市集, 由始至終, 都堅持手工創作同推動原創設計既宗旨, 舉辦一個又一個純手作既市集, 沒有太多花巧的主題, 只會圍繞生活, 創意, 藝術同埋手作。 今次市集聚集左40個不同的手作品牌, 包括押花, 皮革, 玻璃, 布藝, 花藝, 插畫設計等等, 仲有手作坊俾大家即場報名製作自己既手作, 發揮創意, 在不同時段還請來不同既表演團體為大家送上不同既Live 表演。 希望大家可以來到灣仔荗蘿街支持一班本地手作單位和藝術表演團體, 同埋認識一下呢個活化歷史建築。

---

產品推介： 日本手毬飾物 濕氈針氈小物 布藝袋子 台灣自家設計品牌－人中人株式會社精品