認唔認得？係My Little Airport 於2005年發表嘅歌曲〈白田購物中心〉。去過白田購物中心未？如果未去過，嚟緊個weekend就要抽時間過去行吓，因為「Boysizeの雑貨市」 2017夏祭 -- 期間限定店將會喺呢個小社區入面嘅一間小店舉行！ 過去幾日有好多朋友問「今次個市集有幾多檔？」澄清返，「Boysizeの雑貨市」 係由本地生活潮流雜誌《Boysize》前編集部團員組成的女子組織，今回聯同《Boysize》之友 -- 藝人顏卓靈(Cherry Ngan）, 903DJ 麻利亞, 以及時裝品牌röyksopp gakkai設計師Brun Chan合力打造2017夏祭pop-up store，係期間限定店！！！一間店內外滿佈精選生活雜貨、衣飾鞋履、美容家品等選物嘅小店。古着、新品俱備，所有貨品均以非常優惠價格發售，務求造福志同道合的一群！ 想行市集咩？唔洗失望！因爲「Boysizeの雑貨市」pop-up store 附近嘅JCCAC亦將於本週末(2017年6月10-11日)舉行大型手作市集，仲有啊！家陣石硤尾有好多嘢行，JCCAC附近有生活雜貨店「黑地」、文具咖啡店「TOOLSS」、遠近馳名嘅「肥哥車仔麵」、行上少少南山村又有人氣食店「品香樓」、「糖室」...... 今個週末，石硤尾見！ 參與單位：Boysize team, 顏卓靈 (Cherry Ngan）, 903DJ 麻利亞, 時裝品牌röyksopp gakkai設計師Brun Chan,八哥豬豬 備註：只收現金，請自備環保袋