唔少餐廳同商店都有聯乘Miffy推出商品，反而下午茶就冇乜！今次終於到金鐘AMMO推出期間限定嘅「AMMO x MIFFY 仲夏之旅」主題下午茶！見到一系列Miffy造型嘅精緻下午茶美點，真係唔忍心將佢哋食落肚呀！ 首先鹹點有： 一口芝士牛肉漢堡、甘荀仔伴鷹嘴豆茸、西班牙番茄凍湯 甜點就有：濃朱古力慕絲蛋糕、焦糖香蕉蛋糕、朱古力甘荀杯子蛋糕、法式焦糖燉蛋、白朱古力草莓慕絲、馬卡龍、Miffy 果汁糖、牛油曲奇 部分點心印上Miffy嘅得意嘜頭，用嚟影相呃like一流！下午茶包含兩杯咖啡/茶，用埋Miffy餐具歎下午茶，粉絲們應該會特別開心。而家惠顧下午茶，每位客人仲可獲贈於荷蘭生產嘅限量版Miffy鎖匙扣一個，一共有6款造型。快啲約埋frd子一齊去啦！ 餐廳位處嘅亞洲協會香港中心四處都有Miffy蹤影，包括由阿姆斯特丹藝術家Marte Röling創作、首次喺香港展覽嘅巨型Miffy裝置，有成1.8米高，鋪滿純金金箔，high tea完再selfie 幾十張都冇問題啦﹗