一年一度既樂地市集又番黎啦！今年以懷舊做主題，當日除左會有手作、工作坊之外，仲會有唔同類型既表演呀！ 【屯門有冇牛？有圖有真相！】 好多人問屯門有冇牛，都答到口乾啦，自己睇啦！ 黎到屯門除左騎牛同鬥牛，仲有咩好玩？一於黎載譽歸來既樂地市集啦～ 今年以「探·香港」做主題既樂地市集，希望將各位帶返去舊時嘅香港，由你哋同各位藝術愛好者，一齊探索屬於你嘅香港！ 當日既各式手作workshop同表演，完全免費！仲有霓虹燈photo booth 即影即有?，俾各位打卡話俾朋友聽你都做到堅毅物種！ 想體驗下新界西人生活，到時搭屯門纜車一個站就到！10月29，樂地市集 約定你！ 【樂地 · 根本】 「樂地」市集 (LOHAS Land)，由「成功有約」同學會、屯門區青年活動委員會及屯門民政事務處聯合舉辦。市集定於2017年10月29日 (星期日) 在屯門文娛廣場 (屯門大會堂對出空地) 舉行，活動時間為下午1時至下午7時，費用全免。 「樂地」市集，取其諧音落地。有見現時大部分市集集中於香港島及九龍等市區，而屯門區內一直欠缺大型和定期舉行的市集，區內的大型文化活動亦有增長空間，故希望藉此推廣市集文化，令文化藝術不再只是中產階層，或是我們掛在口邊的「文青」才能接觸的事物，打破市民視文化藝術是遙不可及的既定觀念，令手作、樂活等概念與大眾的距離收窄，更加「貼地」。 今年樂地市集的主題為「探。香港」。「探」一字同時有「探望」和「探索」兩個意義，以此命名希望能透過是次樂地市集，帶領市民回顧舊日的香港，並在過程中探索一些他們鮮少認識的香港舊貌以及有關舊香港的獨有文化。