百分百屬於香港嘅樂壇「長青樹」修哥以86歲之齡登上紅館開演唱會，真係破晒紀錄！大家都知舞王修唔單止相識滿天下，直頭係契仔契女滿天下！因此，修哥一話開紅館，各方好友馬上自薦做嘉賓，當中已知嘅嘉賓包括張家輝、劉美君、張達明等等，「我份人乜都唔怕，但開演唱會面皮薄，契仔、契女以前都幫咗我好多，碌人情卡碌到爆晒嫁喇。」修修咁謙，相信嘉賓名單將會陸續有來！ 雖則修哥係以86歲之齡登上紅館，不過年齡唔係問題，近來已同音樂總監周啟生密密綵排練歌。為咗今次演唱會，修哥話佢已經冇食煎炸食物，仲會多飲湯水多食蔬果養聲。不過佢始終最擔心記歌詞部分，佢話盡量唔想喺台上睇提詞機，希望借此練習記憶力，不過如果到時真係唔記得咗歌詞，大家就唔好怪修修啦！ 修哥身為香港演藝圈重量級人馬，破晒紀錄開紅館真係好難得！原本想90歲先開演唱會，不過製作人何麗全就叫「提前」舉行，快啲創紀錄，「到咗90歲時，做到嘅話梗係會做啦，咁嘅年紀仲可以喺個舞台上表演，真係好難得！」唔知修哥到時會唔會請曾江、四哥同Joe Junior做嘉賓，嚟個《四個小生去紅館》呢？想同修哥一齊見證紀錄誕生同開心返一晚嘅朋友，就要快快撲飛喇！

---

【The Club會員尊享】 300 Club積分+ $620換購《胡楓86破晒紀錄演唱會2018》 $680 門票一張 300 Club積分+ $420換購《胡楓86破晒紀錄演唱會2018》 $480 門票一張 300 Club積分+ $220換購《胡楓86破晒紀錄演唱會2018》 $280 門票一張 換購日期：即日至1月28日 優惠詳情：http://goo.gl/4ckmUP 立即成為The Club會員，尊享更多優惠：http://goo.gl/CyK7i1 Like埋The Club Facebook，即時知道更多The Club著數！https://www.facebook.com/TheClubHongKong/

---

公開發售座位表