情人節就快到喇，如果想為伴侶挑選一份合適禮物，又或者想搵地方拍吓拖影吓相，咁嚟緊2月3至2月4日嘅喺黃金海岸商場舉辦嘅《漫花小鎮・情人節市集》就啱晒你地喇！ 今次市集將會以花作為主題，現場除咗有大型花藝佈景板作裝飾外，亦邀請咗近40位手作及設計小店擺攤，其中亦包含咗以花作主題嘅作品，鍾意花嘅朋友就唔好錯過啦喎！部份攤檔例如「Mf by miss fleurs」嘅押花飾物、「CLASSY」嘅設計手錶、「Labolution」的皮製作品，買嚟送比女仔都幾窩心㗎！如果想即買即享受，亦可以去搵「Face painting by G N」整返個身體彩繪，畫個情侶彩繪圖案仲可以打卡拍照放閃！ 如果諗唔到送咩禮物都唔緊要，因為現場亦設有手搖音樂盒工作坊及海玻璃飾物工作坊，可以俾遊人親手自製浪漫窩心小禮物！工作坊有分時段，時間及收費詳情請見LOCOLOCO Facebook專頁。 另外，活動現場亦會安排各種應節活動，例如只要在市集有任何消費及讚好黃金海岸商場Facebook專頁，即可免費獲得香皂玫瑰乙枝，但記住數量有限，送完即止。除此之外，市集亦設有即影即有服務，可以方便遊人喺現場，特別係大型花藝佈景板前拍攝即影即有作留念，紀錄最美好的一刻。 如果想同伴侶、朋友或家人渡過幸福浪漫的時光，就記得要嚟黃金海岸商場 X LOCOLOCO －《漫花小鎮・情人節市集》喇，到時見！