100毛痴線佬東方昇開show喇！佢仲話會用特異功能嚟拯救香港！想知佢又會做啲咩驚人舉動，啲口水到底係咪真係浸得死人嘅話，就記住唔好錯過喇！2月14，情人節公開發售～

---

東方昇為咗打救香港，終於⋯⋯終於都率先發癲，威逼利誘《100毛》編輯部，畀佢上封面，等佢可以大大力噴晒口水咁宣佈：四月！伊館！《東方昇特異功能救香港》！ 而只要大家有顯影眼角膜，同埋傳聲耳膜，都會睇到／聽到佢呢排周圍發功（其實係發癲）宣佈——今個禮拜六，2月10號，年廿五起，佢，東方嘅明日奀星，阿東方昇，就會阻L住晒成個毛記維園年宵43-44號攤位，率先開壇作法，而賣嘅，就有好似話其實係普通有汽水，但經佢三二得個七款特異功能靈符開光嘅「東方昇特異功能救香港開年轉運符水」；經佢以 Pat Pat 打坐加持嘅白卷開運天書sss；仲自己僭建埋本來連開44場、但懷疑因為近排天氣凍令到內部認購反應冷淡，強勢減剩一場嘅4月伊館騷《東方昇特異功能救香港》優先弱勢預訂售票處！大佬呀你唔好咁黐線啦喂⋯⋯ 咁多位準備行年宵嘅香港人，毛毛喺度提大家一句，出門口去年宵前，記得帶定耳塞同雨褸呀！！！毛毛同佢埋身肉搏咗成晚，唔單止畀佢噴到成身口水，而家個耳膜都懷疑穿穿地，冇咩事嘅話，毛毛Book定耳鼻喉科先⋯⋯

---

毛記電視主辦、東方昇國際歌迷會全力贊助！ 癲佬 東方昇走晒音噴埋口水出盡奶力宣佈———四月！伊館！ 《東方昇特異功能！救！香！港！！！！！！！！》

---

公開發售座位表：