《賽馬會心導遊計劃》「心導體驗 – 我們的經歷」公眾展覽 將於9月1日至9月9日舉行！ 為咗向大眾推廣精神健康同埋反歧視嘅重要，《賽馬會心導遊計劃》將會喺9月1至9日舉辦「心導體驗 – 我們的經歷」公眾展覽，內容包括心導遊說書日、相片展覽、虛擬實境 (VR) 體驗。我哋希望用唔同形式嘅活動，讓大眾親身體驗同埋感受有精神病經歷嘅人嘅經歷，從而增加認識，減少誤解。 心導遊說書日 (9月1日至9月2日) 透過心導遊說書日，參加者可以同有精神病經歷嘅人對話。佢哋會用最簡單、最直接嘅對話同參加者分享故事，比參加者透過對話用心去感受有精神病經歷嘅人嘅內心世界。喺人生嘅旅程上，難免會有高低起伏；縱然每人嘅經歷都是獨特嘅，其實我哋嘅共同之處比分別更多。 活動內容：精神健康教育分享、聆聽故事、與有精神病經歷嘅人對話　 人數：每節最多12人 (名額有限，先到先得，額滿即止！) 費用：全免 「心導遊說書日」需要預先報名，每節約90分鐘，如果有興趣聆聽故事，請即報名！(時間表列於報名網頁內) 相片展覽、虛擬實境 (VR) 體驗 (9月1日至9月9日) 相片展覽 – 透過一位有抑鬱症經歷嘅人所拍攝嘅照片同埋佢嘅聲音導航，希望大眾可以更了解佢經歷入面嘅高低起伏及轉化 虛擬實境 (VR) 體驗 – 大眾可以第一身體驗有精神困擾嘅人嘅經歷，親身感受佢哋所遇到嘅挑戰及污名，同埋學習點樣支持身邊正在經歷精神困擾嘅人 相片展覽、虛擬實境 (VR) 體驗無需預先報名；虛擬實境 (VR) 體驗每節大概10分鐘 主辦機構：香港中文大學、新生精神康復會 協辦單位：說書人 捐助機構：香港賽馬會慈善信託基金