Whisky Now! 2019 一個全新嘅威士忌盛會將鐵定於2019年1月13日面世，由本地酒界兩大男神攜手策劃，聯合本地唔同嘅威士忌吧、收藏家、同好群組以及各個獨立裝瓶廠嘅進口商，實行打破常規，用特色酒款作為主題。 有見近三四年嚟，好多香港酒友對威士忌嘅研究越來越深，除左酒吧、酒鋪，連網上既交流群組亦都係越開越多；而為左酒，唔少本地飲家甚至不惜親身遠赴各地嘅威士忌吧同酒展！既然有一大班人係對常規款以外嘅作品咁狂熱，今次不如一齊玩盡啲！ 扭轉一般威士忌展以大品牌為主，我地將唔會有任何一個蘇格蘭原廠既代表參展，反而以各個單位儲落嘅私伙靚嘢為主，唔好話你未試過，隨時稀有到你聽都未聽過！喺Whisky Now! 2019，最多人問嘅只會係：咁多嘢飲，點揀呀？？！ 攤位分布圖 喺過去依個拎月嘅介紹入面，其實總共21個威士忌參展攤位都已經全部提及過，甚至近幾日都慢慢開始進入第二輪宣傳，相信大家都已經俾今次酒展嘅陣容震撼左唔少次，接住落嚟就為大家略略講吓佢哋喺場地入面點分布。 整個場地主要分為三個區域：主舞台前平時音樂會用嘅係最大果部分，所以大部分攤位都會集中喺依部分；連接兩區中間嘅吧檯，背面會係往洗手間嘅通道，而正面就會係一個設有幾張高檯嘅休息區，當日洗杯設施、食物同埋咖啡檔亦都會安排喺度；最後展覽用嘅一個L型位置，可能會相對鬆動些許(比例問題、冇張圖睇落咁誇)，鄰近入口位置亦設有第二個有座位嘅休息區，而大家亦都可以經依邊再次去返第一區。 大家有冇已經Mark定邊一檔嘅酒一定要試呀？ **** 最近兩個ATM分別係位於鯉魚門邨嘅中銀、以及大本型入面嘅匯豐 只限18歲或以上人士進場 ** 請自備威士忌杯，以及足夠現金