每個城市都有自己專屬嘅音樂，當中表達嘅可能係我哋記憶中城市嘅風景、城市嘅文化、或者係喺城市裡面邂逅嘅某個人……當你聽到呢啲音樂，對城市嘅記憶就會慢慢浮現，唔知你記憶中嘅香港係點樣嘅呢？佢係繁華璀璨、紙醉金迷抑或黯淡無光、物是人非……相信每個人都有唔同答案。 我哋對香港嘅感情，可能難於用文字講述，或許只有通過音樂先可以準確表達，今年靠邊站藝術節主題係「我城我故事」，兩隊年輕嘅本土獨立樂隊Rising Atlantis以及實驗日誌將會用音樂為香港發聲，用原創音樂講述佢哋自己嘅香港故事。 如果你喺香港生活，或者曾經喺香港停留過，佢哋原創音樂所表達嘅內容，可能就係你記憶中嘅香港，所以，大家不如一齊從Rising Atlantis以及實驗日誌嘅樂隊表演當中，搵下我哋嘅香港回憶啦！