Update 10/9/2019: 公布音樂會主題同海報喇！ 成長未必精彩，我哋人生要經歷幾多傷痛先至可以增長智慧，懂得接受自己懂得療癒自己？我都努力學習及療傷中。 大家都傷痕纍纍的時代，希望用我嘅音樂，為大家帶嚟哪怕只係一丁點嘅力量以及安慰。 願你記得軟弱沒有錯，痛亦沒有錯。 主辦：Frenzi Music / KKLIVE / 寰亞音樂 / 棋人香港 / 太陽娛樂演唱會 冠名贊助：Jebsen Fine Wines 和巧如初：叱咤903 藝人管理：Frenzi Music / 寰亞藝人經紀 唱片公司：寰亞音樂 優先訂票及音樂伙伴：KKBOX Poster design: @shengwong_ Photographer: @tsz925 Art director: @thedorothylau Assistant : @siuchonglam Hair : @wingwong_theattic Makeup : @leotam_snap Styling : Carmen

---

鄧小巧宣布12月開麥花臣！ 鄧小巧FB: // 又大一歲，一年前許下嘅願望已經唔記得咗。隨住生活經驗嘅累積很多事情開始見慣不怪。認識咗新嘅人，疏遠咗舊嘅人；笑多咗一條皺紋，內心多咗一啲傷痕。但長大可能就係咁樣，學識（被逼）接受生活就係有好多枝節同起跌，快樂與不快樂永遠並存。 從推出雅俗到而家，係我以新人出道嘅第四年，音樂上嘅累積、迷失、冒險，多謝我嘅團隊以及大家同我一齊渡過同見證。做音樂本來好大嘅原因係抒發同療癒自己某些部份，幸福嘅係我擁有同你哋一齊分享嘅福分，令我做出嚟嘅音樂多咗好多意義。 一直以嚟大家都有問我幾時開音樂會，上年為演藝學院學生課程嘅演出係一個好好嘅學習經驗。到今年，我嘅團隊同我都覺得係時候開啦第一個屬於我嘅售票音樂會啦，因為我哋有足夠嘅內容可以同我嘅歌迷分享。 所以，今年12月1日，麥花臣，我哋一齊為我哋嘅新舊傷口好好做一場音樂會。 // ．請勿誤信非官方售票渠道