曾經，萬聖節係一個人類帶上面具扮成妖魔怪獸，嚇鬼求保命o既日子。 但係今個十月，香港以六槍實彈打開序幕，加上4個月黎一條又一條下落不明o既生命......講真，唔好話萬聖節啦，孟蘭依家都冇人會覺得恐怖啦。 黎到2019年，現實教曉我地：原來狗可以扮人，藍絲可以扮人，甚至垃圾都學識扮人 —— 簡直係畜生道投錯左人間道咁款 ——— 偏偏「人」就連落街帶個口罩都唔得，會畀人捉落人間地獄毒打謀殺。 今時今日o既香港隱藏面目，對抗o既唔再係牛鬼蛇神，而係一條又一條侵害人權日常o既荒謬戒律。 面對極權大侵蝕，我地就要反侵蝕。OC2S早於今年五月已經邀請 Dis Fig 再度來港同我地萬聖節party party，呢位以柏林為基地工業型噪音techno女將，live set素以巨大噪音壓場，加上金巴利道路真理生命 Kimberly Road Union、Kelvin T、Shelf-Index 三大本地能量同場共鳴 ———— 10月26日，黎TTN畀modular爆開你個腦，挑鬆哂D神經，祈願靈台得到一點清明。 Lineup / 演出單位 Dis Fig 金巴利道路真理生命 Kelvin T Shelf-Index (DJ set) and more