Update 26/2/2020 Hidden Agenda: This Town Needs FB: 搞咗一大輪，蝕完一大筆，唔知死咗幾多腦細胞之後，終於，終於，「This Town Needs Farewell Live」總算塵埃落定了。 唔知呢啲係咪叫命運，開幕到閉幕都係請返local自己友。感激香港indie scene各方好友樂隊，見到枝旗二話不說仗義出手，仲有連睇乜Q都未知就誓神劈願，情願射波都要到場嘅咁多位觀眾。你哋以後唔好再等我哋收皮先嚟咁團結啦好無？??? 撐自己個scene唔好留力，記住課金就是力量，相信搞手嘅眼光。 噚長就唔多講啦，當晚樂隊出場時間表如下： 19:00-19:45 金巴利道路真理生命 19:45-20:30 逆流 20:30-21:15 Sexyhammer 21:15-22:00 小紅帽 22:00-22:30 Cryogenic Defilement 22:30-23:15 慘慘豬 憑H.J. Freaks 或 The Marías Live in Hong Kong電子/實體門票，均可入場。 另外手持已取消之演出，包括Nervosa同Crown The Empire嘅實體門票，同樣可以入場。

---

Update 24/2/2020 Hidden Agenda: This Town Needs FB: 我哋經同入境處交涉後，已得知H.J. Freaks入境應無大礙。但由於衛生署檢疫程序同所需時間不能確定，藝人方希望能夠信守對韓國觀眾嘅承諾，如期回國繼續巡演。因此，H.J. Freaks Live in Hong Kong正式取消，改為幾隊本地樂隊同一晚為TTN告別之夜演出，手持H.J. Freaks Live in Hong Kong門票者均可入場。 至於H.J. Freaks Live in Hong Kong退票方面，我哋稍後會喺TTN FB專頁貼出Google Spreadsheet連結，煩請有意退票嘅觀眾按指示登記票號等資料，經我哋人手核對後，會通知大家到 觸STUDIO取回退款。技術上嘅問題，如果造成大家不便，多多包涵。

---

完全變態！Bass妄想代理人H.J. Freaks扭臀登港 女僕裝、吊帶絲襪、絕對領域、草莓內褲，以上都是神秘中年大叔H.J. Freaks喜歡炫耀bass神技的定番。與其說是「惡趣味」，不如看成是大叔他釋放自我的唯一慰藉。 看似無人問津的孤獨探戈，都是稍稍不經意的露著小褲，豈料在網絡竟捲起風潮，網民更表示：「天啊，眼晴到底要往哪裡放才好？」。 其實，只要凝視著H.J. Freaks大叔像深淵一般的猥褻微笑中，就彷彿能參透世界的真理，喚醒自己的變態基因。 這次Neon Lit Music將可愛大叔邀請到TTN，演出以外合作夥伴Zuk Studio還會在Drummers Ark來一場Bass Clinic，屆時H.J. Freaks將會親身教授bass演奏奧義，餘下的其他不能說的XXOO暗黑技法就由你們來發問咯。 ＊有關Bass Clinic詳情將於近日公佈。 ＊現場將售即影即有合照簽名券 $100/張 ＊Polaroid Two Shot Coupon(Autograph included) $100/p