Update 19/3/2021: 上次嘅Naka Live開唔成，今次轉個主題再開過！ 問: B A-OK 係咩嚟㗎？點讀㗎？ JK: 其實就咁照著英文字母讀，B-A-O-K (Be A-OK)。 A-OK 意思是強烈語氣嘅”Okay”，一切順利咁解。 - 問: 【B A-OK Live】 背後嘅意念係咩？ JK: 大家最近嘅生活都灰咗咁耐，我好想帶大家逃離一下現實，去一個我心目中嘅Wonderland度chill 吓，FF 吓。嗰度色彩燦爛，要咩有咩，乜都稱心滿意，Everything Will Be A-OK! - 問: 成場結他solo，會唔會好悶㗎？ JK: 結他show有結他solo就少不免(笑)，hehe⋯⋯但係除咗我之外，我身邊一班嘅世界級樂手都十分值得注目！我都搵嚟好幾個歌手朋友上台一齊玩，燈光師亦都係好有來頭，台燈聲都非常堅揪！保證好睇又好玩！ - 問: 之前NAKA LIVE 買落嘅飛點算呀？ JK: 憑舊票入場就得㗎喇！輕鬆簡單！(輕輕鬆鬆馬國明) - JK感想: 呢個【B A-OK Live】嘅Poster 設計，製作同攝影對我來講係非常創新(堅)，亦都完全投射到我心目中嘅畫面。希望大家喜歡今次嘅造型同設計！ - JK最後感想: Show day 改完又改，延期咗好好好幾次，但今日終於嚟到大直路，心中有一種奇妙嘅興奮。可惜最近收到接二連三嘅壞消息 —— 被堅持50% 限座和贊助商退出等大單嘢(唔係講笑)。好彩監製 大Lin華 敢於同我一齊冒呢個蝕大錢嘅風險(堅牛底)，誓要俾大家一場good show。所以希望大家用最大力支持，買飛入場睇！集氣！522，麥花臣！集氣！

---

Update 26/6/2020: 鑒於本港新型冠狀病毒感染情況，今屆麥花臣節《麥花臣節 X JASON KUI NAKA LIVE IN HONG KONG 2020》將會延期至2020/2021舉行。

---

NAKA 是日本語，意指「中間」。 專輯跨越重型與悠揚之間，令聽眾內心留痕的旋律；光與暗，暖與冷，硬與軟。 繪製出兩者極端之間的平衡點。 繼首張大碟“Absence of Words”反應熱烈及專輯發佈音樂會大成功。 〖 NAKA 〗 結他專輯發佈音樂會將踩入更大舞台，JASON 同時邀請了眾多音樂圈好友及國際級樂手參戰是次盛事，結集於麥花臣創造新一個里程碑。 Jason Kui被譽為香港新一代Guitar hero嘅著名結他手，仲係香港現時最炙手可熱嘅職業結他手。佢24歲時已經被著名音樂人陳奐仁邀請做紅館演唱會嘅主音結他手，後來仲成為恭碩良、方大同、陳奕迅、陳奐仁等等，多位重量級監製嘅御用結他手。今年佢有新突破，就係喺香港開「NAKA」結他專輯發佈音樂會！到時仲會有好多Jason Kui嘅音樂圈好友同國際級樂手，眾集於同一個舞台。