今個4月，我哋請嚟非常重視大自然、家庭同愛嘅森林家族，佢哋已經登陸咗我哋旗下嘅商場，包括馬鞍山廣場、置富都會及+WOO嘉湖，一齊同大家分享森林家族嘅故事，令大家怦然「森」動之餘，仲好療癒添。大家一齊去咁多個商場睇下啦！ 置富都會「森」之麵包店　幸福滿溢 「叮！」麵包出爐啦，一陣陣小麥香氣立即隨風飄嚟！森林中最有名嘅紅磚屋麵包店由鹿姐姐及熊姐姐帶嚟置富都會，睇住香噴噴又精緻嘅麵包整齊咁排列喺麵包架上，好療癒啊。佢哋手造嘅麵包出名可愛，味道又滿分，喺田園風嘅麵包屋下食著外脆內軟嘅麵包，幸福感即刻滿瀉！朱古力兔姐姐亦推出雪糕車助陣， 咁悶熱嘅天氣坐喺蘋果樹下，嘆一杯紅桑子雪糕，精神為之一振！