《605 慈善演唱會》既係演唱會，同時又係分享會。自講述自己成長故事以及想法嘅演出。「605」，對好多人嚟講只係一個尋常嘅門牌號碼，不過對我嚟講，呢個門牌就有另一層意義。呢組數字代表佢童年時代住嘅地方——石硤尾大坑西邨，呢度亦係佢人生旅程嘅開始。 今年11月8日星期日晚，即自己踏入40歲個日，將會舉行今次605慈善演唱會，透過今次演出，一圓夢想，分享一些喜愛的音樂，我並唔係專業歌手，大家亦都唔好期望我有驚天地泣鬼神嘅演出，應該都會有甩轆既時候， 我只希望帶出每個人的夢想無論大或小，有多困難，其實都可以一步一步達成，3個月後，無人知道世界將會變成點，唔想後悔，盡能力做左先，盡力賣飛籌款。我亦都好希望透過今次嘅演出可以多謝身邊嘅你哋，感激係呢40年裏面同大家相遇，共同成長！ 10年前，媽媽因為中風突然離開，總感覺遺憾。透過演出，除左懷緬十年前因中風離開的家母，當日所有門票收益將不會扣除成本全數捐贈慧進會——協助腦神經受損病嘅慈善機構， 係呢大半年慧進會面對相當大嘅財政困難， 我會協助管理籌得既捐款?，確保善款可以有效地幫助有需要人士。 整個演唱會的場地，樂手，宣傳，以及製作費用將全數由自己支付。 疫情持續，十一月嘅演出有可能會改期或者轉其他形式進行，不過希望大家唔好介意，多多支持。