今年係當文歷餅店第一次喺香港過聖誕節，特意準備咗一系列充滿節日氣氛嘅主題甜點，同Fans一齊慶祝! 有齊派對必備嘅原個大蛋糕，的骰可愛嘅件裝蛋糕，以及冬日口味嘅聖誕法式甜酥麵包，為你同你嘅親朋好友帶嚟滋味滿 Fun 嘅聖誕節! 聖誕節主題甜點系列正式於店內登場及開放網上預訂: https://dangwenli.com/shop/ 快啲嚟同我哋一齊Sweet到聖誕! 「摘星許願樹」栗子開心果撻 栗子忌廉配上開心果 Mascarpone 忌廉，加埋鬆化嘅開心果朱古力脆餅同牛油脆餅餅底，滿滿嘅果仁香，伴隨豐富口感。 「紅鼻子馴鹿」法式泡芙 雙層嘅法式泡芙藏着兩種味道，上層夾有牛奶朱古力、黑朱古力忌廉和自家製士多啤梨果醬，而下層就係綿滑嘅 Valrhona Dulchey 焦糖奶油朱古力醬，濃濃的朱古力香氣，大人小朋友實鍾意。 杏仁牛角包配朱古力薑餅人曲奇 聖誕節點可以冇薑餅人呢? 笑得好 Sweet 嘅佢，仲變身成朱古力曲奇，爬咗上我哋招牌嘅杏仁牛角包上面?! 一齊同佢分享呢件充滿杏仁奶油香氣嘅甜酥麵包吧! 雲呢拿蘋果甜酥 新鮮蘋果粒以馬達加斯加雲呢拿同砂糖煮成餡料，手工製酥皮加上砂糖，烘烤成金黃酥脆嘅聖誕樹，面層再灑上雪白糖霜，猶如置身冬日森林一樣呀! 「紅白棒棒糖」番石榴士多啤梨蛋糕 聖誕經典嘅薄荷糖，變成巨型Candy Cake紅白棒棒糖蛋糕! 貫徹當文歷餅店充滿玩味嘅特色，今次呢個蛋糕亦都唔係薄荷味，而係番石榴士多啤梨啫喱，配搭柚子慕絲同法式杏仁蛋糕，味道酸甜清新; 面層紅色、白色啫喱仲係手工製作，人手逐片砌成漩渦紋，充滿聖誕嘅歡樂氣氛!仲唔係 Christmas Party最搶眼嘅甜品?