由集•Hub聯同香港日本人旅客手配業社協會主辦，並由樂坊有限公司統籌嘅「撐旅遊市集」好快會同大家見面喇，到時4月8日至4月11日期間會喺觀塘Inspire Hub舉辦，當然會由一眾旅遊從業員去做檔主擺檔賣各自特色嘅產品! 當中會有咖啡豆、朱古力、乳酪、曲奇餅、泰式香脆辣椒醬，仲有近期好hit嘅便利店調酒神器。 今次「撐旅遊市集」入場費只需HK$10，旅遊從業員嘅話係免費入場㗎! (只需出示導遊或領隊證、卡片及證明）。 到時所有入場人士會有兩張價值10元現金券送返俾你哋喺攤位使用，所以記得mark實日子，到時大家過嚟力撐一眾旅遊界人士，支持佢哋擺檔!