Update 31/5/2021: 公開發售詳情公佈 Update 31/5/2021: 詳情公佈 2021 重新集合的 C AllStar將在七月底舉行他們第三次的紅館演唱會《FWD富衛保險呈獻：C AllStar 集合吧演唱會2021》，四子更首次挑戰四面台，滿有新鮮感之餘他們亦十分期待。兩場演出將於7月24及25日假紅磡香港體育館舉行，全場劃一票價HK$680，不設「山頂位」。主辨機構會優先安排場內50%較接近舞台的精選座位門票，於6月7日起給東亞銀行信用卡客戶預訂。 在拍攝演唱會海報期間，四子除了穿上有如太空衣般的厚重外套外，頭上更戴上不同形狀、類似天線的金屬頭飾。陳健安(On 仔)説：「我哋嘗試喺咁金屬嘅物件入面，加入比較人性化比較溫柔嘅一面，所以呢啲頭飾全部人手製造並且配合我哋嘅頭骨形狀。」不過 DJ King (吳崇銘) 及釗峰均不約而同説，戴上頭飾時實在苦不堪言，有如孫悟空戴上金剛圈一樣，頭痛不已。 其實休團三年多的 C AllStar 去年曾想過藉成團10周年重組，但當時疫情關係加上各自有工作要忙，所以感覺現在是最好時機。On 仔說：「自2017年十月紅館演唱會後正式休團，呢三年幾單飛發展，四位成員都有唔同嘅提升，而家為信念再集合。」 DJ King 也說：「單飛前我哋最後一首歌《再不再見》已經留下伏線，到底係再見定係不再見呢？結果而家我哋返嚟啦，事實係會再見嘅。」 SoulJase (何建曦) 指出休團後大家各自奮鬥，現在再集合，就好像重新征戰沙場，他說：「可以將之前做得唔夠好嘅地方再做好，加上首次挑戰四面台，感覺非常新鮮，亦都好期待。」 釗峰續說：「同時亦都希望可以集合所有人，聚埋一齊喺一個地方，開開心心咁玩番一晚。」 On 仔也指出：「多謝一直支持咗我哋十一年嘅每一個歌迷，好希望到時候可以見到大家。」

---

Update 20/5/2021: C AllStar宣佈休團3年後重組，並首次開紅館4 面台演唱會，日期已定，暫定2場7成半

---

C AllStar喺FB宣佈7月開紅館叫！同系公司嘅黎天王7月10~18日開騷，中間隔咗幾日應該唔用嘅，即係可能貼住10/7之前或者18/7之後吧，除非唔係，等公佈啦，一定要睇！ ．請勿誤信非官方售票渠道