加開三日！追加新貨！最後機會！ 徇眾要求，加開今個星期五六日！ 由於反應ok熱烈、加上收到自稱上星期忙到癲嘅各界友好私訊詢問會否加場，同一眾好?之友商量過，大家一致贊成加場，更爽快答應呢幾日過嚟補貨或探班﹗精明嘅你，未嚟過一定要擇日過嚟，嚟過都可以再嚟，因為日日都會追加新貨！（詳情請留意GOODDIG及Boysize store社交平台） 今個星期五、六、日，今個夏天最後最後最三場，see you！ 參與單位： GOODDIG ＆ Boysize team Brun Chan (röyksopp gakkai 設計師 / 造型師) Cherry Ngan 顏卓靈（演員/ 歌手） Mali 麻利亞 (903 DJ) Panther Chan 陳蕾 （創作歌手） Ruby Fung （設計師 / 13A NewStreet主理人） Ziya Chiang 蔣雅詩 （網店Aphasia店主） 備註：只收現金，請自備購物袋。 咩事？ 唔知發生咩事嘅朋友仔可以睇返呢度︰ 為咗幫好?東西尋找下一位好主人，《好?》《GOODDIG》 與「Boysizeの雑貨市」合力打造「2021夏祭賣物會」，聯同好?之友 -- 演員顏卓靈、歌手陳蕾、 903 DJ 麻利亞、時尚達人蔣雅詩、Ruby馮榕榕、以及時裝設計師Brun Chan，齊齊帶來精選生活雜貨、衣飾鞋履、美容家品等好?選物。古着、新品俱備，重點係所有貨品均以非常優惠價格發售，全力支持良心消費！減少浪費！唔想後悔快擇日掃貨﹗

---

如何前往： 石硤尾偉智街38號福田大廈1樓109室 對石硤尾小社區好陌生？喺九龍塘&深水埗隔離，好方便㗎！落樓下行幾步就係文具咖啡店TOOLSS，嚟掃貨前/後可以嘆返杯咖啡！ （溫馨提示，福田大廈有三個出入口，無論係邊個出入口，只要上一層就搵到109室㗎喇！） 港鐵： 石硤尾站C出口，面向JCCAC一直行5分鐘左右，經過惠康、肥哥車仔麵，轉右向前行幾步就係福田大廈。 巴士： 勁多巴士經過，可以喺「黃棣珊紀念中學」或「白田邨瑞田樓」站落車。 的士/ Uber： 石硤尾偉智街38號福田大廈，對面係賽馬會投注站。