2022年新一年開始，想出嚟做下文青嘅你，就好好把握機會啦！嚟緊1月由九龍城區議會及九龍城民政事務處合辦，九龍城區議會贊助嘅 「藝綻九龍城」就可以俾你一個免費入場體驗藝術既機會！今次活動內容非常豐富，有多元化嘅舞台表演、攤位遊戲及手工藝坊、展覽等等，真係數之不盡呀！ 當日活動由下午12點開始，為大小朋友同樣準備咗唔同類型嘅環保樂器音樂、歌唱表演、互動魔術、無伴唱合奏及舞蹈表演，鍾意欣賞唔同類型表演嘅你，就一定唔可以錯過呢個機會啦！咁多出色藝術表演等住你，包你嚟左會睇到唔捨得走！ 嘉年華就一定會有攤位遊戲，實唔會悶親大家！家長同小朋友可以一齊去玩遊戲贏取獎品！係咪覺得差咁啲野？梗係啦！今次嘉年華仲為大家提供紀念品，大家可以免費換領！不過數量有限，先到先得㗎！ 大家仲可以欣賞手工藝坊嘅優秀作品展覽，藝術導師同時會展示佢哋嘅珍藏藝術作品，又有展板介紹，俾大家可以親身接觸到多種藝術，並深入了解手工藝的精髓與藝術文化。 手工藝坊日期 : 1月1日(星期六)、1月2日(星期日)及1月9日(星期日) 除此以外，大家仲可以參加手工藝坊。4個特色嘅手工藝坊將會分3日舉辦，包括手捏陶瓷手工藝坊、皮革小零錢包手工藝坊、流體畫手工藝坊以及微縮手工藝坊，完成後可以將靚靚嘅手作拎返屋企做擺設留念！全部都係免費㗎！咁吸引，仲唔快啲報名？由即日起開始接受網上報名啦，快啲按下面連結報名啦！名額有限! 1. 手捏陶瓷手工藝坊 2. 皮革小零錢包手工藝坊 3. 流體畫手工藝坊 4. 微縮手工藝坊 報名表格: https://forms.gle/oMa6AgkwquQa3bAp6 手工藝坊地點：紅磡社區會堂 地址：九龍紅磡庇利街42號九龍城政府合署高層地下及一樓 對象 : 九龍城區居民 有興趣參加手工藝坊嘅朋友仔可於12月15日起填妥報名表格。由於名額有限，每人最多只可預約參加一個手工藝坊，若報名人數眾多，將以抽籤形式處理，我地稍後會以電郵聯絡成功報名嘅朋友仔。如於舉辦手工藝坊的3日之前仍未獲電郵通知，即代表報名未能成功。 如果12歲或以下嘅小朋友想參加就必須要有家長陪同，以家長名義報名，共同製作一件作品。提一提大家，鑑於製作過程複雜，工作坊並不建議6歲以下兒童參加。 約定大家，1月30日「藝綻九龍城」見！