2022 冬奧就快黎啦，原來唔使衝出香港都可以一嚐參加冬奧運動比賽項目嘅滋味，講緊嘅就係 12 月 31 號開始喺建造業零碳天地嘅零碳冬日運動村！ 今次建造業運動及義工計劃 CISVP 一連三日嘅運動村有兩大區域，冬奧區就有 8 米高巨型充氣滑梯，可以體驗雪上滑行嘅速度感；鬥智、鬥力又鬥技術嘅簡易射擊、地板冰壺、氣墊球樣樣齊～另一個電競區就有單車、彈跳床、反應訓練，絕對考驗你嘅體能，加埋電玩元素，俾大家有非一般嘅冬日運動體驗！ 施展渾身解數挑戰完又可以玩埋環保袋塗鴉、填色等 DIY 低碳工作坊，現場仲有售賣運動用品、露營用品同零食嘅攤檔㖭。 咁多位運動選手快啲準備好 31 號黎建造業零碳天地挑戰啦！