每年過完農曆大年初一二三，好多人錢又使哂，個行又旅完，每個人都要戴住年初四嘅心情返回生活崗位，都唔好話唔慘；再加上市面好多舖頭，都未必照常營業，所以一到咗年初四開始幾日都特別悶，所有開心嘅新年感覺都獲利回吐 不過！今年有 MusicSoul 喺旺角麥花臣體育館主辦嘅〈邊學邊唱音樂市集〉，現場加埋超過二百檔本地小店，仲會有本地年青人嘅 Busking 表演 大會亦將會贊助十至二十個小檔作小小心意，協助一班想嘗試創業嘅年青人，發揮佢哋嘅生意頭腦，踏入社會前做一吓小老闆，開闢更多可能嘅未來空間。 而喺六號晚上，亦會舉行一個小小嘅音樂會，邀請一眾檔主同學生們一齊欣賞，同時亦都會用抽獎形式送出一定數量嘅門票。 只要大家到時喺現場購物，就可以有機會得到音樂會門票，又可以買嘢，又有機會聽到 Manson 同藍仔頭等當紅藝人表演，呢個年初五同六嘅開心節目，等緊你哋嚟一齊支持。 2 月 6 號音樂會時間：19:00 - 20:00