好耐冇見大家啦！白紙生活寄賣館返嚟啦 上年白紙團隊開始·生活概念館·呢個企劃，想提供一個集文化、藝術同音樂嘅慢活空間，等大家可以欣賞唔同嘅創意同特色手作 好開心好多朋友都一直有問我哋，仲會唔會有下一次寄賣館嘅出現 多謝你哋嘅支持，白紙團隊一直努力搵場地同籌備，希望再一次為大家帶嚟呢個可以休閒慢活嘅地方，讓生活多一點喘息空間 今次寄賣館將會坐落喺荃灣愉景新城，希望大家在鬧市之中能夠欣賞到香港本地藝術創作者嘅心血，再將佢哋帶返屋企；寄賣館入面亦會舉行各式各樣嘅工作坊及展覽，詳情記住留意白紙生活概念館嘅 IG，有興趣就同朋友一齊嚟參加啦！ * 節日及公眾假期有機會延長開放時間