日本傳統每年到七夕 (七月七日) 開始，紛紛都會開始大大小小嘅節慶活動，除左紀念「彥星」和「織姬」(即係中國嘅牛郎織女) 嘅祭典之外，人們都習慣趁住晚空既天之川 (銀河) 最清澈嘅時間，向神明許下對未來嘅祈願。 今年七月，砂丘準備將日本七夕嘅節慶氣氛融合到充滿傳統色彩嘅饒宗頤文化館入面，同時帶來由唔同手作職人製作嘅產品、文創插畫，特色食品，亦設有唔同類型嘅藝術工作坊等大家可以參與，當然唔少得關於七夕物語嘅互動打卡區同紀念品俾大家啦。 記得 7 月 16 - 17 日，嚟到『 砂丘企劃 x 天の川物語七夕市集@饒宗頤文化館 』喇，到時見！ * 進入市集必需使用「安心出行」應用程式及「疫苗通行證」- 已經輸入針卡資料 (必須已打第二針) 如有任何查詢，歡迎聯絡我哋。