「因爲想搞吓試吓，所以我哋試吓搞吓。」 有睇過英雄本色嘅朋友， 應該都會記得Mark哥同豪哥喺台灣翻香港之後， 不約而同嚟到美華工業中心， 落魄咁一個幫人洗車，一個揸的士爲生。 土家受重建影響，被迫化整爲零， 離開鴻福街，輾轉闖進美華。 本來大家都好似 Mark 哥咁準備轉行洗車㗎啦， 但係大家都相信社區未完，仲有好多可能性， 於是搬到美華之後大家都喺度諗緊新地方究竟可以有咩搞作， 再次化零爲整。 喺一個百無聊賴嘅夜晚，土家人如常圍爐吹水期間， 提起我哋自 2020 土墟年宵之後，都好耐無搞過土墟了。 突然有人忽發奇想，講咗句： 「不如試吓搞翻土墟？」 仲記得 2015 年，土家喺鴻福街搞咗一次以物易物， 自此，土墟就喺鴻福街空地呢個公共空間誕生， 由一兩個地攤發展成每個月最後一個星期一都會搞一次嘅墟市。 搬到上美華之後， 我哋好希望可以將美華呢個「私人地方」變成一個公共空間， 於是乎就萌生咗喺美華搞翻土墟嘅念頭。 今次土墟除咗有檔主之外，亦都開設唔同工作坊， 仲有卡坦島大賽比大家報名參加， 有興趣報名嘅朋友，就撳入下面嘅 Link 睇吓啦~ 就係咁，我哋試吓搞， 唔知到時呢你哋又會唔會上嚟試吓行？ 到時上嚟仲可以免費品嚐印度拉茶 Masala Tea 一杯

---

特備節目及工作坊： 報名連結：https://linktr.ee/tohomehk 【本土食農私房x菜 － 慳功夫包工作坊】 個名叫做「慳功夫包」皆因免搓揉，晚上備好粉團低溫發酵，瞓醒摺被又摺粉團 （冇錯！摺幾下跟住入爐焗）簡單易學；導師會為大家準備低溫發酵好嘅粉團。 【The Lights in You － 珍珠奶茶造型蠟燭工作坊 】 學習基本調色和調香 整到一杯珍珠奶茶造型既蠟燭帶返屋企 聞落去仲係茶香味㖭㗎 由上面粒冰 ，到中間嘅奶茶，再到下面嘅波霸珍珠都係可以燃燒嘅蠟燭嚟 【幼稚園工作室 — 傳統白鐵工藝 X 鋁製飛機工作坊】 貪玩的白鐵師傅 Michael 機緣巧合下，與一位藝術家創作了白鐵飛機，再慢慢演變成飾物吊飾，讓白鐵工藝更具時代感。工作坊讓溫柔的朋友仔都能體驗打白鐵，以傳統打白鐵技巧製作自家飾物，把它們輕輕鬆鬆的帶回家。 【繪本x盆景製作：口袋裡還有一顆種子 】 繪本選擇｜《班雅明先生的神秘行李箱》、《藍色大樹》 活動內容｜我們一起讀繪本，也一起製作多肉植物盆景。 【卡坦島大賽】 設 3 個比賽時段，每時段一局 ( 1:30-3pm，3:30-5pm，5:30-7pm ) 每局限時 1.5 小時，最高分者勝出 每局比賽勝出者可獲贈 榮光街 Tee 一件 設Google form 預先報名 , 每組名額 3 位 ( 報名按金 $30/位 ) 設土墟 walk-in 名額，每組 2 位

---

特色攤檔：(不斷更新中) 1. 幼稚園工作室 2. The Lights in You 3. "Kamachannelling x 鐵媽醬料 x sisternchick" 4. 唔知叫乜好士多 “NgGCallWtStore" 5. 本土食農私房 6. Daysi x Henna手繪 7. Mixgoods 8. BK Bakery 9. 吾家手作 10. 夠鐘收檔互助廳 11. 寫信組 x 封信子 x 出貓紙 12. Board game區 ( 1pm - 7pm / 隨時參戰 ) 13. 土家 x 寄賣 (有兩姊妹涼皮嘅辣椒油 ）