單戀之後、邂逅過後，大家終於出 Pool 喇！但係撞正萬聖節，蜜運過程之中可能都會「疑神疑鬼」： 唔知呢段感情係唔係「爛桃花」？到底你同佢夾唔夾、有冇默契？你哋可唔可以長長久久？ 究竟係「戀諗嘢」、心中有「鬼」，定真係有唔夾呢？！諗咁多係會影響到兩個人嘅關係！ 今次嘉年華市集，Freeture Concept 將會聯同愛情作家 紙情 Lovestoryhk 喺南豐紗廠舉辦《「戀」諗嘢事務所｜嘉年華市集》！喺萬聖節前，為咁多位疑神疑鬼嘅情侶準備唔同嘅嘉年華活動小遊戲，測試吓戀愛路上嘅戀人們夠唔夠默契、夠唔夠合怕！ 今次仲邀請到以心理學為基礎嘅交友約會程式 Evol ，為大家進行「戀愛導向性格測評」，用科學角度睇睇你同另一半係「水溝油」定「糖黐豆」。 有感情困擾，都可以參與「邂逅戀事情感諮詢」，搵佢哋駐場心理學家排憂解難！ 另外，市集主題會由 茶小吉｜呆毛會飛的香港插畫 ( https://www.instagram.com/gutsdiary/ ) 設計，到時仲會有小吉嘅插畫展覽！