上Viagogo交易平台 (非官方) 購票 https://prf.hn/l/mVBlDjv (買家需自行承受風險) Update: 15/1/2024 第一次做主辦同表演者其實係好緊張，每做一件事、每落一個決定都係步步為營，係好謹慎。見到之前嗰5場嘅反應咁熱烈，係意外同時又好感恩大家嘅支持。見到重有朋友想睇而未成功買到飛，我哋好想盡量滿足到想睇嘅大家，所以經過多番討論之後，決定加開終極尾場，係真係最後一場，希望會繼續獲得大家支持！ Update: 22/12/2023 鄭中基於明年2月13日起於紅館舉行《Fragments of Wonder 鄭中基世界巡迴演唱會2023》，4場門票火速售罄，今天（22日）宣布加開明年2月18日的場次。 本來以為攞四場三萬二千張飛出嚟賣會去得慢啲，點知道好幸運地一日就賣晒，所以首先好感謝大家，跟住加多一場希望你哋都會想嚟睇 ​Update: 18/12/2023 驚大家唔記得，所以係呢到隆重介紹：由機動娛樂主辦-《Fragments of Wonder 鄭中基世界巡迴演唱會2024-香港站》今個星期四就開售喇！大家準備好未？
我就準備緊喇，一邊跑一邊出緊呢個Post... 留意番，今次不設售票處及自助售票機售票。每人每次限購最多6張門票。

只設網上、流動應用程式及電話購票，並會實施14日「延後取票」方案。 2023年12月21日（星期四）上午10時起於城市售票網公開發售。 update: 29/11/2023 香港場終於要嚟宣布啦！ 等完台北場、再等完加開場，尋日開賣後終於返嚟我哋香港主場啦！ 機動娛樂主辦首個紅館演唱會由我本人投資、監製、宣傳同表演嘅演唱會！ 新年見！記得著到紅噹噹入嚟見我 資料來源：Ronald Cheng 鄭中基 Facebook update: 22/8/2023 鐵柱終於磨成針啦，舊年中秋開始入紙，每個月入，入到變咗每個月嘅指定動作，當收到紅館成功批俾我哋嘅嗰封信，嗰一刻，個腦空白一片，心諗：係L唔係㗎？真係得咗啦？我真係暈一暈，然後花咗10幾分鐘冷靜咗個人之後就諗點樣部署。除咗通知各個部門之外，最想嘅就係同大家分享第一手消息，Show date 大概係2024年2月13-18號，但實質日子暫時未定到，定到又再即刻話俾大家聽，我知道講到好亂，但係我真係好開心！農曆新年見，又係。 資料來源：Ronald Cheng 鄭中基 Facebook Update 11/6/2023: 將會開啟全新世界巡迴演唱會 "Fragments Of Wonder" 嘅 Ronald 鄭中基，接受《晴報》訪問時有提到，是次巡迴演唱會將會以香港嘅紅館為尾站，已經入紙申請。

---

Update 25/3/2023: Ronald 鄭中基嘅經理人，亦係「機動電視台 RTV」成員之一嘅「湘姐」，3 月 25 日喺佢自己嘅 IG Live 中有解答「Ronald 幾時開紅館演唱會」嘅疑問：佢哋一直都有入紙，但係入到 2024 年 2 月嘅檔期，紅館都 reject 咗。不過想以「機動娛樂」嘅公司名義開紅館，所以都會 keep 住繼續入紙。 資料來源：https://www.instagram.com/tv/CqN2MhMh1Sk

---

Update 28/10/2022: 喺「機動電視台 RTV」最新上載嘅《直擊我點樣智破詐騙集團？！又拍咩搞到Band房變成水舞間 (ft.出水精靈)？同場加映紅館入紙大賭局！》影片中，透露係入紙申請紅館 2023 年 9 月嘅檔期！

---

對上一次紅館演唱會已經係 2019 年農曆新年嘅 Ronald 鄭中基，10 月 7 日就喺自家 YouTube Channel「機動電視台 RTV」所上載嘅無預告驚喜影片《全宇宙男人嘅夢想 深入古天樂秘密天地 內有萬眾期待重磅消息公佈！！》中親自透露，已經入咗紙申請紅館，一有消息就會向大家公佈！ 各位「基粉」同「自機友」記住要密切留意！ ．以上演唱會日期尚未確定，只屬消息、推測及估計，一切有待官方公佈 ．請勿誤信非官方售票渠道 Follow 埋 Timable 演唱會 FB 專頁： https://www.facebook.com/timable.hk.concerts