秋風起，週末心思思想搵個山旮旯避世，遠離一下市區，但又怕唔啱一家大細去？不如嚟大嶼山啦！嚟緊一個月綠惜地球將於昂坪市集舉行展覽。展出多張大嶼今昔照，非常珍貴！等大家重拾返當年冇青嶼幹線嘅回憶，再反思現今城市發展嘅轉變。原來依家繁華嘅本地旅遊熱點—東涌，曾經都是山旮旯嘅漁村同農村！好啱帶小朋友嚟了解吓大嶼山珍貴嘅自然同歷史風貌。 大嶼今昔照 梅窩五仙橋 一名男子正在向觀光者收取過橋費，背景為大東山。 舊照來源：香港大學圖書館 1954年 「海天一境」牌坊 建於 1930 年代，在修建昂坪路之前是昂坪高原西面的主要出入口，寶蓮禪寺老一輩的僧侶會稱之為「山門」。牌坊上的兩幅對聯皆由筏可大和尚所撰書，現已被複製至寶蓮禪寺的山門牌坊之上。「海天一境」牌坊在2019年被列入二級歷史建築。 舊照來源：香港大學圖書館 1959年 互動裝置 除咗相展，場內仲有綠惜地球同本地藝術設計工作室MUDWORK合作製作嘅互動裝置。以本地回收木材（相思和桉樹）製作而成，玩法類似「過三關」，透過轉動木塊，便可對比大嶼山各景點的今昔照片。設計團隊仲好有好思，特意將鳳凰山嘅剪影製作成「打卡位」，等大家可以同大嶼山合照。希望帶出減少浪費嘅信息，亦為樹木帶來「第二生命」。 「無痕山林」懷舊插畫 人人都行山，係咪個個都識行山先？學識「山野不留痕」，你至叫識行山！親臨現場欣賞「無痕山林」懷舊插畫，一齊學習愛護大自然。 「行大嶼 惜大嶼」故事地圖 參觀完展覽，直落行吓山先！記得開住「行大嶼 惜大嶼」故事地圖，用咗GIS (Geographic I nformation S ystem) 技術，將唔同嘅旅遊資訊整合成單一使用界面 ，以地圖形式呈現。行山同時，可以隨時喺手機上了解身處景點嘅 遊覽資訊，包括歷史照片、自然生態、地貌、景物介紹等等。詳情請參閱以下網頁 https://lantau.greenearth.org.hk/ 活動由大嶼山保育基金贊助。

---

關於香港山徑日 由綠惜地球自2019年首辦，設在每年10月26日，期望喚起公眾愛護天然山徑意識，同時推廣可持續山徑概念及無痕山林的郊遊意識。