喂喂喂！南豐紗廠將會舉辦WEWA鬼叫萬聖節市集！當日會有接近140檔市集攤檔在場，同時會以萬聖節作為主題，現場會有不同的萬聖節產品售賣，連毛孩的萬聖節服裝都會有！ 除咗市集攤檔以外，現場亦會有彩繪工作坊，可以比大人同小朋友一齊發揮創意，畫返個可愛/恐怖的彩繪。 仲有仲有！10月30日會有毛孩鬼馬Cat Walk Show！一眾毛孩會化身萬聖節鬼怪行Cat Walk，咁可愛的Cat Walk Show你又點可以錯過啊？ 時間：15:00-17:00 地點：南豐紗廠 3樓平台 欣賞完Cat Walk Show仲可以聽埋小型音樂會！靜靜雞話你知，30日當日會有《全民造星2》季軍Oscar Li過嚟表演！ 記得入場前去KKDay官網預先登記！會送多款精美禮品，包括由Drink La送出的手工Cocktail或Deadman Brewery送出的手工啤酒、由人氣插畫師Dream Story所創作的隨身鏡或口罩套，以及可獲贈Syncalbum萬聖節毛孩攝影即影即有相片乙張！ 登記網址：https://bit.ly/3TPit1Z 咁多好嘢買、睇、送，仲唔快啲Bookmark 10月29至30過嚟南豐紗廠行市集？