紮作技藝係香港非物質文化遺產 (非遺) 代表作名錄嘅項目之一，相信大家喺唔少節日慶典中都會見過紮作製品嘅蹤影。而家大家唔使等過節都可以喺香港非遺中心，近距離欣賞多個結合傳統紮作技藝同個人創意嘅紙紮作品。 為咗傳承同推廣紮作技藝，資深紮作工藝師許嘉雄師傅透過「非遺資助計劃」舉辦咗一系列名為「民間手藝．紮作傳承」嘅工作坊，親自教授學員紮作中秋花燈、醒獅頭、花炮 同埋紙紮祭品等技巧，俾學員一嚐紮作嘅樂趣。而家許師傅喺香港非遺中心展出部分學員嘅作品㖭！想了解多啲紮作技藝呢項香港非遺項目，就記得嚟睇吓啦！