聖誕小鎮 西九文化區嘅海濱草坪將會化身成聖誕小鎮，鎮內會有 20 米高嘅巨型聖誕樹，聖誕樹嘅閃燈會配合音樂組成各種圖案，演出長達 10 分鐘嘅燈光表演，配合埋維港夜景，歡迎遊客一邊欣賞，一邊打卡影靚相！ 奇趣聖誕村 另外，於聖誕節期間（12 月 23 日至 27 日），藝術公園另一端將會增設奇趣聖誕村，當中會有 8 大主題聖誕小屋，包括鋪滿白雪嘅冰雪國度、夢幻糖果屋，以及色彩繽紛嘅聖誕童趣屋等等，精彩節目包括同聖誕老人見面、音樂表演、手工藝工作坊以及慈善義賣等，大家打卡之餘，仲可以同家人朋友一齊嚟玩！ * 以上所有活動之最後入場時間：場地關閉前 30 分鐘