Update 3/2/2023: 之前買唔到「AIA 呈獻 Believe Us 鄭欣宜演唱會 2023」嘅粉絲們留意喇！因應政府近日再進一步放寬防疫政策取消隔離令以及取消入座率上限，早前因疫情未能開售的門票將會加推發售。 由 2 月 7 日 (星期二) 上午十時起大家可於城市售票網購票，要買飛嘅朋友記得鎖定時間到時買飛啦！

---

《AIA 呈獻 Believe Us 鄭欣宜演唱會 2023》門票，將於 1 月 4 日公開發售。早前東亞銀行信用卡優先訂票反應熱烈，火速售罄，未撲到門票的歌迷可於後日，上午 10 時起於城市售票網購票。 Joyce 人逢喜事特別興奮，3 月紅館個唱門票即將公開發售，她說：「今次『Believe Us 鄭欣宜演唱會2023』係我哋去年『Between Us 演唱會』嘅加強版，會將最好嘅表演放晒喺舞台，送畀大家，我非常期待，快啲撲飛啦！」相隔九個月再踏紅館開個唱，正如 Joyce 形容今次演唱會是「加強版」，全新歌單加入不少新構思和演繹方式，還有勁歌熱舞，期待與歌迷一起締造美好的回憶。

---

香港歌手鄭欣宜（Joyce）宣布好消息，2023 年 3 月 16 日至 18 日將假紅館舉行一連三場「AIA 呈獻 Believe Us 鄭欣宜演唱會 2023」，12 月 12 日起東亞銀行信用卡優先訂票。 演唱會海報上，Joyce 以全身黑色半透視造型亮相，性感有型，她躺在濕潤泥土上，擺出不同的型格甫士，仿如一粒種子在蓄勢待發，充滿生命力。相隔九個月再踏紅館開騷，Joyce 非常興奮和期待，上次演唱會尾場 4 度 encore，她承諾觀眾盡快再開騷，果然言出必行。她對 fans 說：「我哋勾過手指尾架嘛，我講得出做得到，你哋呢？See you there！」 Joyce 說：「今年 6 月在紅館舉行『BETWEEN US 演唱會』，今次可以話係 Part 2，因為一年內再開第二次演唱會。而今次『BELIEVE US』演唱會我將會準備更多、更精彩、更豐富嘅表演畀大家聽同埋睇。」上次紅館演唱會，Joyce 跟歌迷分享心深處的秘密，例如恐懼。今次呢？她說：「今次會回應返上次演唱會，對人生、對世界嘅一啲疑問。」 至於演唱會表演嘉賓，Joyce 笑說：「我天馬行空地寫咗一個好想邀請嘅嘉賓 list，大約二十幾位，日前開會時，我輕輕講咗幾個人名，啲同事嘅反應係『嘩』！嘻嘻，我唔知係覺得我黐線，定係我諗嘅嘉賓黐線呢？哈哈！」而歌單，Joyce 用「不得了」來形容，她說：「梗係不得了啦，雖然我哋只係相隔唔夠一年再開騷，但我好榮幸地多咗好多新歌和新 project，會有更多好歌同大家分享。」

---

Follow 埋 Timable 演唱會 FB 專頁： https://www.facebook.com/timable.hk.concerts