Rulapalooza #7 將會响2023年第一炮，聚集本地最具風格同活力嘅樂隊，帶俾你一個愉快難忘嘅晚上。 活動當晚開場，有全女班組合NANA為大家帶嚟勁度十足嘅日本和風搖滾樂；跟住有新晉本地樂隊After Tales清新甜美嘅曲調令大家耳目一新；之後係Musčat獻上輕快嘅口香糖流行音樂，保證令現場氣氛high到另一個層次。最後有藍調樂隊Bluesymen响午夜以淡淡憂怨而又鮮明嘅節奏令大家忘記所有嘅傷心同失意。 即管帶埋你嘅男女朋友、死黨甚至係你嘅仇人都好，唔好諗咁多喇，一齊嚟The Underground嘅Rula Live跳返一晚啦！