Update： 特別報告！ 加開兩日！ 最後機會！ 徇眾要求，加開今個星期五六！ 2023年1月20-21日 (五&六/年廿九&年三十) 由於反應熱烈，加上收到網友私訊詢問會否加場，同團隊商量過後一致贊成加場，更有參加者爽快答應過嚟補貨﹗新年前梗要shopping，今個星期五&六，最後最後兩場，see you！

---

「Boysizeの雑貨市×好? GOODDIG」賣物會，返嚟喇！ 經歷社會運動、全球疫情⋯⋯呢幾年大家都攰。不過無論世界點變、幾攰都好，都要買嘢㗎！ 人的一生總會遇上無數好東西，假如唔能夠全部留住，係唔係應該益吓其他人先？為咗幫好東西尋找下一位好主人，「Boysizeの雑貨市」與《好?》《GOODDIG》 合力打造「2023冬祭賣物會」，聯同Boysize之友－顏卓靈 (Cherry)、蘇麗珊 (Cecilia)、 演員廖子妤 (Fish)、出名識得揀嘅麻利 (Mali)、時尚達人蔣雅詩 (Ziya) 及設計的馮榕榕 (Ruby)，齊齊將精選生活雜貨、衣飾鞋履、美容家品等好?選物，拎出嚟同大家開心 share，古着、新品俱備，重點係所有貨品均以超級無敵優惠價格發售，全力支持良心消費！減少浪費！唔想後悔快擇日掃貨﹗ 參與單位： Cherry 顏卓靈（演員 / 歌手) @cherrysavor Cecilia 蘇麗珊 （演員 / 歌手）@ceciliaso Fish 廖子妤（演員） @fish331 Mali 麻利 (阿卡西記錄諮詢師) @malisheep Ruby Fung（設計師 / 藝術策展人）@fungyungyung Ziya 蔣雅詩（時裝網店店主）@ziyachiang GOODDIG & Boysize TEAM 備註： - 只收現金，請自備購物袋。 - 每星期都會補貨，個個禮拜嚟都得！ 點嚟？ 對石硤尾小社區好陌生？喺九龍塘&深水埗隔離，好方便㗎！落樓下行幾步就係文具咖啡店TOOLSS，嚟掃貨前 / 後可以嘆返杯咖啡！ （溫馨提示，福田大廈有三個出入口，無論係邊個出入口，只要上一層就搵到109室㗎喇！） 港鐵： 石硤尾站C出口，面向JCCAC一直行5分鐘左右，經過惠康，公園，直行見到肥哥車仔麵，嗰棟就係福田大廈。(福田大廈現正進行外牆維修，搭晒棚！） 巴士： 勁多巴士經過，喺「黃棣珊紀念中學」、「石硤尾商場」或「白田邨瑞田樓」站落車最近。 的士/ Uber： 石硤尾偉智街38號福田大廈，其一出入口對面係賽馬會投注站，或者喺肥哥車仔麵停車，從隔離條樓梯行上一層。