雖則「結婚係戀愛嘅墳墓」，但點估到搞場婚禮都要搵命搏？！挑戰新一年黐筋之最嘅愛情動作喜劇《黐GUN婚禮》（Shotgun Wedding），誓要「癲」覆你對婚禮嘅想像！《非常巨星揀老公》（Marry Me）珍妮花露柏絲（Jennifer Lopez）瞓身演繹性感辣手新娘、《變形金剛》（Transformer）系列男星佐舒杜咸米爾（Josh Duhamel）爆發腎上腺素化身大膽新郎，夥拍《超犀女王》（Promising Young Woman）珍妮花哥麗治（Jennifer Audrey Coolidge）笑聲贈慶；《辣妹合唱團》（Pitch Perfect）導演打造史上最辣新娘、《求婚的惡魔》（The Proposal）監製炮製另一爆笑浪漫嫁期，呈獻超惹火刺激嘅新婚大日子。 故事大綱 浪漫小島婚禮，突變槍戰啪啪聲？新一年最黐筋愛情動作喜劇！狄茜（珍妮花露柏絲　飾）和湯（佐舒杜咸米爾　飾）為咗舉辦難忘婚禮，不惜遠赴隱世小島，點知出席賓客騎呢不特止，更有一批海盜亂入，脅持成班親友做人質，難忘婚禮驟變生存遊戲！呢對新人不但被逼同綁匪駁火，仲要拆掂隨時摧毁婚姻關係嘅「炸彈」…要成功搶救親友，唯有夫妻同心，先可以同壞人對撼！

---

電影資料 導演：積遜摩亞 主演：珍妮花露柏絲、佐舒杜咸米爾 級別：待定 片長：待定 語言：英語（中文字幕） 片種：愛情│喜劇│動作