2023 第一次活動嚟喇！ 農曆新年將至，今年係 12 年 1 次嘅「本命年」 為咗隆重其事，兔廬準備咗好多唔同嘅「兔年限定」比大家！ 新一年要有個好開始 兔廬特別邀請咗人氣 KOL－@misshunnyig 擔任客席小店長 Miss Hunny都係資深兔友~由 2015 就開始養兔兔，如果大家都想聽 Miss Hunny 同佢寶貝嗡嗡嘅甜酸苦辣，就唔好錯過「新手兔奴小教室」講座喇！今次唔洗報名，直接 walk in ，位置先到先得！ 另外，新年當然要扮靚靚啦！所以今次兔廬亦特意安排修畢寵物美容 C 級課程嘅義工，指導大家為自家兔兔美容，歡迎大家帶兔兔出席扮靚迎新年！名額有限，唔好錯過啊！ 報名連結： https://docs.google.com/forms/d/e/1FAIpQLScMnBKQ-mrJWUs5RlTuGHcfxy1xNToavqsLah-YojJjPLRqmg/viewform 話哂都 12 年 1 次，所以兔廬設計咗兔年限定嘅紀念品比大家 想知係咩？14，15號親自嚟拎啦！免費派發㗎！ 1 月 14 日除咗喺 D2 place 有領養日外，喺土瓜灣 Uplace，綠在沙田亦都分別會舉辦兩場「新手兔奴小教室」～詳情可以留意兔廬 Story 活動： - 親親待家兔兔：每日有 6 - 8 隻待家兔兔同大家見面 (有多隻兔兔從未曝光～） 14/1 出席兔兔：Sky，Star，Moon，Night，毛毛，B仔 15/1 出席兔兔：劍蘭，蝴蝶蘭，Hana，Hani，Teddy仔，芝麻糕 - 實用免費講座：「新手兔奴小教室」 - 兔廬工作坊：美容工作坊「兔兔也Facial」 - 兔廬義賣 兔廬自家：環保袋，Tee，口罩，月曆現貨 兔友愛心贊助：草餅蛋糕，新鮮收割小麥草 新年限定：賀年揮春速畫，兔兔賀年小鮮花