上個月睇完《都市浪漫歌廳》— 無伴奏合唱音樂會，意猶未盡嘅你，唔洗傷心，另一個青少年之友會員專享節目：音樂劇場《電波捕撈員》將會喺今個月上演。 眼利嘅舊會員應該會覺得個節目名好熟面口，係呀，本來係2022香港藝術節嘅節目！今次呢個修訂版繼續有電波捕撈員，一齊展開捕撈工作～ 電波捕撈員，係宇宙中最寂寞嘅職業，佢哋係無邊嘅宇宙，捕撈曾經由地球發出嘅電波，然後重新整理返做可閱讀嘅知識同文字。Mandy同Adam呢兩個電波捕撈員，本來心裡面帶住無限嘅榮耀同使命感入職，卻被編咗入最不被重視嘅「藝術—歌曲—廣東話歌」組別。 失去咗使命感嘅Mandy同吊兒郎當嘅Adam有日因為啲無聊嘢而鬧交，仲搞到太空船撞咗落宇宙亂石堆！入咗亂石堆，佢哋竟然神奇地返咗過去，重新經歷返自己人生中幾個重要時刻，亦喺不知不覺間，同自己嫌棄嘅廣東話歌，一次又一次咁產生連結⋯⋯ 其中一場有少量門票會公開發售，想同家人朋友一齊睇嘅，就立即去art-mate撲飛啦～ * 3月18日之場次為會員專場，不作公開發售

---

編劇：石俊傑 導演：王俊豪 編曲及音樂總監：何文曦 演員：戴晉揚、劉亭君 樂手：黃凱泰、曾憲晞、陳杳然、符肇廷